بھديك بيتين شعر وانت تستاھل

[نجد2]

اهلين مشعلاني شلونك
قاعده احاول ارد عليك بموضوع العيد ومو راضي ينزل مشاركتي مو عارفه شالسبب..

بحاول انسخها هنا واذا قريتها تقدر تنقلها بعدين هناك اذا بتقدر عشان ماتتخربط المواضيع وي بعضها..




....

المشاركة الأصلية كتبت بواسطة سواها قلبي

انتي قلبج وايد طيب تدرين شنو قالي من باجر هاللي كاسر خاطرج ربعي واعرفهم زين خنقولج شنو قال

هالمجرم يقولي انت عارف ليش دزيتلك هالمعايدات اهما كانوا ثمان صور الظاهر على شكل مقطع وانا ابصراحة حذفتهم وسووت له حظر يقول انا دزيت لك اربع ودزيت الاربع الباجي لفلان لاني دايم اذا بقيت اجرب شي ادزه لكم بس امون عليكم

اهو حاول يحطهم حالة ابجهازه وماضبطت معاه وانا ماعرف شي عن اللي يتكلم عنه ولا ابي افهمه اذكر لما سافرت معاه قاعد يشرحلي سجل فيديو وحطه والناس تشوفه قلتله مابي احط ولا ابي الناس تشوفه

قالي حط مقطع ديني يمكن احد يشوفه وتذكره بالله قلتله 16 الف مقطع ديني دزيته لك عالواتسب وهذا انت للحين قليل ادب والسانك وصخ واتغازل وماتسحتي وطالع ابسروالك الزغير تبي تلحق تشوف جارتكم
قبل لا تمشي

يقولي دزت لفلان اربع مقاطع ودق علي من دبي يتشكر مني وخانقته العبرة على هالمقاطع انا قعت اضحك اسلوبه يضحكني

يقول بقيت اصدمه واقوله تراني قاعد اجرب مو راضي جهازي يرفعهم فقلت بدزه لك واتساب وبرفعهم عالجهاز يقولي كسر خاطري وسكت وربي قطع قلبي من الضحك عاد اهو ناوي الاحد بقوله تراني دازهم لسبب ههههه يالله هذا للي كاسر خاطرج مجرم ولا تلومني اذا اجرمت فيهم






.... هههههههههههههههههههههههههههههههههههاي اجل يستاهل اللي تسويه فيه اتاريه ماينرحم
ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½


تدري سالفه حالة الواتس هذي ماتقبلتها ابد.. ومن قبل الصوره والكلام اللي ينكتب ووو

انا حتى واتس اب تبعي بدون صوره وحالتي (.)* والكل دايم يسالني ليش كذا واقول ماحب احط شي يبين اي شي عني او عن حالتي، احب كذا اكون غامضه ومحد يعرف عني شي


الحمدلله وانا بعد وصج ترا في ناس ماودج حتى تسمعين صوته ما اتقبلينه






انتي طريقتج مو مثلي انا اقتبس سطر سطر وارد عليج وانتي لا تقتبسين الكلام كلبوه وردج يكون بين الاسطر*

فاول مرة سولفت معاج بالمنتدى كتبت شي لج ومن باجر قلت خنشوف شنو كاتبتلي اثاريج مقتبسة كلامي وراده علي وانا عبالي ان كلامي فيه غلط ورد علي مثل الرسالة اللي بالاميل مرات تدزين رسالة وترجع لج جنها صدى

وبعد مدة يالله انتبهت وقعت اضحك على نفسي وعرفت طريقتج



..... انت طزيقتك احلى بس ماعرف اسويها.. يطلع لي اقتباس واكتب فيه واعلق ع سطورك بس تطلع لي كلها مع بعض مو زيك مرتب اقتباس معين وتحته الرد وهكذا.. ماعرف..


لا ولايفوتك لي فتره كل مااكتب واسري اعتمد المشاركه يطلع لي مشاركتم قصيره جدا والرجاء اجعل مشاركتك على الاقل 10حقول > مدري وين القصيره وانا كلامي كثير والله مدري شسالفته.. وترى الحين صارت لي بحاول اكتب اكثر يمكن تضبط..



باقي مو راضيه تروح خنكتب لك كلام حلو يعجبني اشاركك فيه..

*
‏الإحتواء :
ليس أن تُطيل البقاء ، بل أن تُجيد الحضور ♥ï¸ڈ
*
‏المصابون بالإكتئاب ينامون اكثر من غيرهم.> عوذه اجل انا طول عمري مكتأبه هههههههههههههههههههههه استغفرالله

يلا خنجرب اذا بتروح او لا

باقي خنجرب نزيد كلام..

*

‏" هل يحبـني الله؟
نعم يحبك لدرجة أنك تذنب في الليل
ويوقظك في الصبـاح ولم يقبض روحك
وينتظر منك توبة وهو ليس بحاجة لك
فقط لأنه يحبك فيمهلك .!
-
-غازي القصيبي..

[سواها قلبي]

اسف كنت امسافر

اهلين مشعلاني شلونك
قاعده احاول ارد عليك بموضوع العيد ومو راضي ينزل مشاركتي مو عارفه شالسبب..

بحاول انسخها هنا واذا قريتها تقدر تنقلها بعدين هناك اذا بتقدر عشان ماتتخربط المواضيع وي بعضها..

هلا فيج بنت عمي عادي وانا مرات كله تطلعلي الصفحة بيضه كلما بقيت ادش المنتدى ذبحني

.... هههههههههههههههههههههههههههههههههههاي اجل يستاهل اللي تسويه فيه اتاريه ماينرحم

اقولج مجرم هذا الوحيد اللي اذا سولف اضحك مادري اشلون

تدري سالفه حالة الواتس هذي ماتقبلتها ابد.. ومن قبل الصوره والكلام اللي ينكتب ووو

انا حتى واتس اب تبعي بدون صوره وحالتي (.)* والكل دايم يسالني ليش كذا واقول ماحب احط شي يبين اي شي عني او عن حالتي، احب كذا اكون غامضه ومحد يعرف عني شي

احسن انا مرات اذا يئ واحد وشرحلي شي انا ماحبه اقوله كل تبين واسكت ماخليه يكمل واذا اصر يشرح طلعت وخليته يولي

..... انت طزيقتك احلى بس ماعرف اسويها.. يطلع لي اقتباس واكتب فيه واعلق ع سطورك بس تطلع لي كلها مع بعض مو زيك مرتب اقتباس معين وتحته الرد وهكذا.. ماعرف..

يمكن انتي تدشين بالتلفون انا اذا ماكان الكمبيرتر معاي مالج امل اكتب ليش لاني جربتها مرتين كتبت وياني اتصال ويوم رجعت ادوره طار الكلام بعدها كرهته

وانا اول مرة يوم رديتي علي لقيت اسمج ودشيت بشوف ردج ولا هذا اهو كلامي نفسه بسم الله علي سحر طلعت ورديت هم نفسه الاسم اسمج والكلامي كلامي عبالي داشة بكلمة السر مالتي حتى قمت وغيرتها وصكيت الجهاز وربي ونفس الشي نجد ودشيت عليه ولا نفس كلامي

اخر شي خلاص حاشتني حالة نفسي اعتقد اني انا نجد وانتي مشعل كانو عند الوالدة حريم ودشيت عليه واصارخ اطلع برا وانا احلفهم انا نجد اشفيك انت هذولا حريم وانا اقولهم انا نجد تعالو شوفو المنتدى قامت امي وطلعتني شفيك ماتسحتي اذن المغرب لبست عباة امي وصليت دشت علي وحدة عباله عندنا وفاة وعزتني عظم الله اجرك لا وانا ارد عليها بعد يابولي طبيب نفساني يسالني انت مين قلتله انا نجد قالي لا انت مشعل وانا نجد طلع الطبيب هم مريض

لا ولايفوتك لي فتره كل مااكتب واسري اعتمد المشاركه يطلع لي مشاركتم قصيره جدا شسالفته..

غيري حالتج عالواتسب شيلي النقطة وحطي عشرين يمكن تضبط معاج

انا حتى واتس اب تبعي بدون صوره وحالتي (.)*

وليش حاكره هالنقطه خليها تلعب

باقي مو راضيه تروح خنكتب لك كلام حلو يعجبني اشاركك فيه..

*
‏الإحتواء :
ليس أن تُطيل البقاء ، بل أن تُجيد الحضور ♥ï¸ڈ
*
‏المصابون بالإكتئاب ينامون اكثر من غيرهم.> عوذه اجل انا طول عمري مكتأبه هههههههههههههههههههههه استغفرالله

يلا خنجرب اذا بتروح او لا

باقي خنجرب نزيد كلام..

زيدي الكلام ابلاش خلج مثلي ههههههههه

بل أن تُجيد الحضور

‏" هل يحبـني الله؟
نعم يحبك لدرجة أنك تذنب في الليل
ويوقظك في الصبـاح ولم يقبض روحك
وينتظر منك توبة وهو ليس بحاجة لك
فقط لأنه يحبك فيمهلك .!
-
-غازي القصيبي..

صح الله يرحمه

من الصبح احاول اكتب شي احس مخي موقف بالشعر بس كتبت 3ابيات ان شاء الله تحوز رضاك..

وهذا انتي اتحاولين من الصبح ومخج اموقف بالشعر هذا لو كان العكس شنو راح اتسوين

مدري يحن للي مضى ولا نسااه ؟! ..
شخص عشقته بين نفسي وبيني ..

عشته هو اول حب والقلب يهواه ..*
له في حنايا الصدر شوق وحنيني..

حفظت انا اسمه وان بغيته بتلقاه ..
باول حروف الشعر ماهو دفيني ..

ترى الشعر انا فهمته وربي عبالج قشيم واقدر اقولج وين مكان اسمي

وبس سلامتك..

الله يسلمج وصح السانج يا شاعرة مشعلاني خلاص اول امسميج شاعرة المنتدى الحين غريته

[نجد2]

هلا والله مشعلاني
الحمدلله ع السلامه وين نغصتنا من السفره؟ >اسمها نغصه ولا انا مخبصه هههههههه

شلونك عساك بخير..

بخصوص الرد ايوه انا ادش من الجوال مو من الكمبيوتر يمكن عشان كذا يستهبل علي..

وبخصوص (.) متتتتت ضحك ع تعليقك ي اخي والله مدري شلون تجيب هالكلام ماشاءالله عليك ردودك مرات تموتني ضحك وربي الله يسعدك..

وبخصوص شاعر مشعلاني اتشرف والله واعتبرررره وسام منك لي..

شنو بعد شنو بعد

بس سلامتك..

[سواها قلبي]

الحمدلله ع السلامه وين نغصتنا من السفره؟ >اسمها نغصه ولا انا مخبصه هههههههه

الله يسلمج بنت عمي وكل ناس لهم تسميه نغصه صوغة هديه وووو اهم شي ناخذها ابصراحة لو صج بييب لج هديه بحتار فيها ماكو شي اد مآمج تدرين انا اب كبري هديتج الحين اتبشلتي فيني كافي بالمنتدى هههههه

بخصوص الرد ايوه انا ادش من الجوال مو من الكمبيوتر يمكن عشان كذا يستهبل علي..

يا شينه هالتلفون وربي العظيم حتى السوالف عالواتسب ماحب اسولف اكثر شي احوله عالكمبيوتر حتى مرات اشوف الربع اذا قعدنا هذا يطبع بدينه الثنيتن وذاك مثله تقولين مكينة خياطه اتهقين الحين تحوشهم عيني خنشوف الليله اذا صار فيهم شي بقوله مو انا نجد خليهم يدعون عليج

وبخصوص شاعر مشعلاني اتشرف والله واعتبرررره وسام منك لي..

لا لا عاد مو جذي الاحراجات انا يالله بديت انسى الاحراج اللي طاف ومت عليج من الضحك يوم حاولت اتنحش وقلت بروح شنو قلتي انتي بترياك دورت معناها بالمعجم لقيت المعنى جذي حتروح مني فين وراك وراك يسواها انا اهنيه تذكرت الحالة مالتج (.) وفهمتها قلت ايه هذي شفرة وين ذائك وفلسفتك صادوك وصرت اخر حياتك حاله
يالله مع السلامة بروح اصلي نشوفج على خير

[نجد2]

هههههههههه انت اجمل هديه الله يسعدك ي رب
اسفه اذا احرجتك هههههههههههه يلا ارجع ماصارت صلاه هههههههههه

[سواها قلبي]

هههههههههه انت اجمل هديه الله يسعدك ي رب
اسفه اذا احرجتك هههههههههههه يلا ارجع ماصارت صلاه هههههههههه

توني خصلت الصلاة ههههههه وماكو احراج بنت عمي انا اليوم صرت زين والحمدلله وربي دشيت تو ولقيت ردج كنت بكتب قبلج بس زين تطمنت عليج لا تسئليني شفيك ماكو غيرها السالفة ودي اضحك وانسى والخال كل يوم يقرا علي ومرات انا اقرا عليه كاسر خاطره هههههه صج خنقولج سالفته الحزينه

السالفة صارلها جذي سنة وشوي انا قاعد ابروحي ابغرفتي ياني خبر مو حلو وقالولي انت اقرب واحد له وكلمه انه ولده توفى ابحادث اهو واللي معاه صكيت التلفون بسم الله ولا اهو داش علي الغرفة شكله مو حلو ومعاه جيس انا عبالي يدري بالخبر قلت خنثقل شوي وبسولف معاه عادي شنو هالجيس قالي اسمع انا من جم يوم حاس انه بصير شي مو زين واليوم انا مو طبيعي الظاهر بودع الدنيا وانا ساكت جان يقولي هذا الجيس فيه افلوس انا مسلف واحد وماقدر يحطهم بحسابه لانه مطلوب وراح ياخذونهم

فقالي حطهم بحسابك اخاف يصيرلي شي هذا مهره وهذا جيك بسمك تكاليف حفلته وانا ساكت بس اطالعه جان يقولي صارلي جم يوم حاس بصيرلي شي ودي بس احظن اولدي واحبه ويقولي دشيت عليه الغرفة من يومين ولقيته نايم قعت اطالعه وبقيت انام يمه وألمه على صدري وابوسه بس خفت يقعد من النوم وازعجه قعدت عشر دقايق بس اطالعه انا ابصراحة كسر خاطري وانزلت دمعتي قصب فقال اشفيك قلت ماكو شي قالي تكلم فقلتله انت مادريت قال شنو قلت ما ياك خبر عن شنو فسكت قالي ليش ساكت ونبرة صوتك مو مثل العادة في شي صار تكلم ولدي مات نزلت راسي قالي مات قلتله اي حادث اهو واللي معاه قال الحمدلله وربي لا اله الا الله عليه ثابت خلص العزا وبعد جم واحد دزله مقطع بالحادث وشاف السيارة تأثر اشوي اعرفه انا زين ولما صرنا ابروحنا قلته شنو قاعد اطالع من شوي قالي السيارة اللي توفى فيها ولدي قالي تدري شنو تمنيت قلت شنو قال تمنيت ان ولدي وراي قاعد والطقة تكون فيني انا وبعدها يموت عادي الله يهديه اللي دزه لي

في ناس بنت عمي مايستحون او مايفكر ولا عنده احساس عادي يدز مثل جذي مايقول هذا ولده جنه قاعد يبشره يالله الله يرحمه ويرحم اموات المسلمين ادعيلي بالشفاء

[نجد2]

الله يرحم ولده ويغفر له ويجمعه فيه بجنات النعيم..
الله يعينه ي رب ويعينك بس انت ذكره انه راح للي ارحم فيه منا وانه هذا امر الله ولا اعتراض عليه. وقل له الحزن مايفيد بشي خل يدعي له ويتصدق له ويترحم عليه اما الحزن والضيق بيكون مدخل للشيطان الله يكافيكم شره..

وانت شفيك مشعل؟ شي يعورك ولا تقصد هالسالفه؟